أول حاجة تبداي بيها هي تنظيف و ترتيب ديال الدار أو مااااااشي
الكوزينة هي لولة,حيت بزااااف كيبداو بالكوزينة كيكولوليك على ود
الغدا.ألااااا ألالة وديك الدار تبقى حالة يدخل عليك شي ضيف يلقا دارك
حالتها؟ لااااا.جمعي الدار هي لولة رتبيها كل حاجة فبلاصتها.مسحي الغبرة كل
نهار حيت عيييب يجيو عندك الناس ويلقاوها بحال يلاعمرك مدرتي شي
حاجة.الدار ديما تكون معطرة ومهوية وشميشه
داخلة.والحمااااااام,هادا أهم
حاجة,كيخصو الإعتناء بزاف ديال المرات
فنهار. الحمام : ديري لفوطة ديال ليدين تكون قرييييبة للافابو ولكن ديال
لوجه حطيها من جيها لخرة راكم عارفين الرجال كيقديو بلي كان قدامهوم.
-لفوطات يتبدلو كل 3 أيام. -ديال الصابونة تغسل مزيان من الصابون لي كيبقا
لاصق فيها.وديييييما تكوني حاطة فيها المعطر. قبل مندخلو لكوزينة غنعطيكم
حاجات يمكن يبانو عاديين ولكن حنا هنا غندكرو كلشي لكبير وصغير. -ديما
يكونو عندك les caches لطبالي,توب ماشي ميكة,لميكة حتى تبغي تحطي الماكلة.
-les caches ديريهوم لكاع داكشي لي كيكون مع التلفزة.يكونو بحال بحال
وبلوينات يتمشاو مع الفراش ماشي قوس قزح وسط الدار. -les caches حتى les
coins.حاولي كولشي يكون بيهم باش متبانش دارك قرعة مسكينة. -بيت النعاس حتى
هو متنسايهومش فيه.والفراش يتبدل كل أسبوع مكين راه مزال نقي.ويكون حتى هو
معطر ومشمش.وديري لخزامة فخنيشات ديال التوب وريها تحت
الناموسية,فلمجورة,وسط لبلاكار....فين مابان ليك. كملنا دابة؟ إيوا
يااااالهو ندخلو لكوزينة. نبداو أول حاجة بنصيب,نردوه,نجمعو الماعن
ونغسلوهم ونقيو كلشي عاااااد نبداو نوجدو les salades. دابة هالكوزينة نقية
وكلشي واجد,تباركالله على لالة الحادكة,ولكن راه مكينش غير هادشي كاينين
حاجااااات خرين صغااااارين ولكن راه هما التاويل,أجي نكولهوم ليك : -الزياف
ديال الكوزينة : يتصبنو كل نهارملي تكملي شغلك فلعشية غير بين يديك دغيا
دغيا باش ديما يكونو نقيين وميتدبغوش. ديري واحد ليديك,واحد لكيسان أو واحد
لبديع عاد واحد لألونيوم.متبقايش تخلطيهوم.خليها عندك عادة
ولفيها.ومتبقايش ترميهم فين مجاب الله,ديري ليهم بلاصتهوم وعلقيهم. -ملي
تكوني كتنقي الخضرة ولا لي كان,ديري بلاطو فين تجمعي الزبل مااااااشي
لبوطاجي,زعما راكي غتكملي وتجمعيه وتمسحي تما,لااااااا لبلااااااطو. ندوزو
دابة لتلاجة : تكون دييييما نقية وممسوحة وديري خنيشات صغار ديال التوب حطي
فيهم الفاخر,الفاني,الخزامة,عممممممر الريحة متكون عندك فالتلاجة,بالعكس
غير نتي تحليها وتعطيك ريحة غزاااااالة,والفاخر أصلا كيمص الروايح الخيبين.
أي حاجة تبغي تحطيها فيها تكون مغطية ويكون حسن كلشي يتدار فسوبيرات وبلاش
من الميكات. وأي حاجة تغسل عاد تحط,البيض لقراعي ديال
لما,لمونادا......كلشي
شــاهــد أيــضا:
نصائح عامة تهمك
0 التعليقات :
إرسال تعليق