المكونات
نص لتر حليب
صابونة دوف البيضاء
باكية الغاسول الابيض
نصف قنينة ماء ورد
ماء الاوكسجين (الديكاباج نمرة 6)
الطريقة
كتفيضي الحليب وكتزيدي عليه الصابونة من بعد ما حكيتيها في الحكاكة وكتخلطي مزيآن كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطهم بالملعقة من بعد ملي يبرد كديريه في شي بواطة كتسديها وكديريه في الثلاجة غادي تلاحظي انو كيبان سائل ولكن النهار التالي غادي تلاحضي ولا بحال الكريم كناخدو الكمية اللي غادي نستعملو تقريبا 2 او 3معالق من الخليط ونرجعو البواطة مباشرة للثلاجة باش تبقا متروحش لمدة طويلة وما تخسرش المهم نشدو هاد الكريما ونزيدوها ماء الاوكسجين نمرة6 غي القياس تقريبا نصف ملعقة صغيرة واذا خفتو منو ممكن تستغناو عليه كتخلطي هاد الخليط وكتدهني لحمك كآمل باستتناء المنطقة الحساسة والوجه لانه فيه الماء ديال الاوكسجين من الاحسن نبعدوهم عليهم اما اذا ما كنتوش عاملينو كتدهنو بيه كلشي الجسم وكتخلوه مدة 3سوايع على الاقل انا كنديرو بالليل ومع الصباح كندوش كتديري الوصفة يوميا على الاقل واحد الاسبوع او 3مرات في الاسبوع .
هاد الخليط بالنسبة للمنطقة الحساسة اي ما بين الفخذين : كما قلت كتستعملي الوصفة دون اضافة الاوكسجين وراه غتبهري بالنتيجة كديريها بالليل وفي الصباح غسلي عادي بالصابون الخاص ضروري ومسحي المنطقة بفوطة كلما غسلتي باش ما تبقاش فيها الرطوبة بالنسبة للوجه كتعملي الوصفة وبطيبعة الحال بلا اوكسجين وكتخليها حتى تنشف وكتغسلي وجهك اذا كان وجهك جاف استعملي الكريم المرطب الخاص بيك استعملي الوصفة على وجهك 2 حتى 3 مرات في الاسبوع.
ما تخلطيش الاكسجين مع الخلطة مباشرة حتى تبغي تستعمل الوصفة عاد يمكن ليك تديريه.
0 التعليقات :
إرسال تعليق